Kawkanta 138:8 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁸ Toparen nin Pangino-on ya impangakò na kongko; hay ingangalo mo, Pangino-on, ya ma-in panlalabi ay ayin angga. Agmo pa-olayan nin ahè yari-en ya gawgawà moy inompisawan mo.

Kawkanta 138:8 交叉引用

Pilipos 1:6

Angkasigoro ko ya hay kahampatan ya inompisawan nin Diyos nin gaw-en ha nakem moyo ay patoloy nan gaw-en angga ha mayarì na ha allon magbira hi Pangino-on Hisokristo.

Kawkanta 57:2

Ampakirawat ako ha Diyos ya Pinakamakapangyariyan. Hiya ya Diyos ya ampambi kongko nin kaganawan panganga-ilangan ko.

1 Tisalonika 5:24

Tapat ya Diyos ya nangingat komoyo; kayà ombayroy gaw-en na komoyo.

Kawkanta 136:1

Pasalamatan moyoy Pangino-on ta hiya ay mahampat; hay panlalabi na ay ayin angga.

Kawkanta 103:17

Piro hay ingangalo nin Pangino-on ya ma-in panlalabi ay ayin angga ha ampipanggomalang kona, boy hay kahampatan na ay anti ha kaganawan lipì

1 Pidro 4:19

Kayà no ampagdanas kawo nin kadya-dya-an kompormi ha kalabayan nin Diyos ay isigi moyoy panggawà nin kahampatan boy ipahimalà moyoy sarili moyo ha Diyos ya namalsa komoyo ta agna kawo pa-olayan.

Kawkanta 100:5

ta hay Pangino-on ay mahampat, boy ayin anggay ingangalo nay ma-in panlalabi. Hay katapatan na ay magpatoloy ha kaganawan lipì.

Kawkanta 100:3

Tanda-an moyo ya hay Pangino-on ay Diyos; hiya ya namalsa kontamo boy hitamo ay ikon na. Hitamo ay tawtawo na ya an-asiwa-en na nin bilang ha tawtopa ya ampastolan na.

Roma 5:10

Hin hato, hitamo ay ka-away nin Diyos. Piro pinagkasondò na tamo banà ha Anak na ya nati nin para ha kawkasalanan tamo. Hapa-eg ha pamakisondò kontamo nin Diyos ay lalò na tamon biyan nin kalibriyan ta nabiyay oman hi Pangino-on Hisos.

Howan 15:2

Balang kowinta hanga ko ya ahè ampamonga ay ampotohen na. Balè ta hay hanga ya ampamonga ay antablongan na emen lominis boy lalò lomakè ya ibonga.

Hodas 1:1

Hiko hi Hodas ya magsisirbi ni Pangino-on Hisokristo boy hiko ay patel ni Santiyago. An-iholat ko bayti komoyon nipanhomonol ha ingat nin Tatay ya Diyos. Hikawo ay nilabi na boy hikawo ay an-i-atap itaman ni Pangino-on Hisokristo.

Kawkanta 57:3

Diyos ya mangilibri kongko boy talowen nay ampipandawohong kongko. Ipakit na kongko ya katapatan na boy ingangalo nay ma-in panlalabi.