Kawkanta 111:1 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹ Poriyen moyoy Pangino-on. Hay Pangino-on ay pasalamatan ko nin lobos ha nakem ko ha pamititipon nin tawtawoy ma-in kahampatan.

Kawkanta 111:1 交叉引用

Kawkanta 138:1

Matibolos ya nakem kon ampagpasalamat komo, Pangino-on. Hikan bongat ya kantawan ko boy poriyen.

Kawkanta 149:1

Poriyen moyoy Pangino-on. Ha pamititipon moyon nag-in tawtawo nin Diyos ay kantawan moyoy Pangino-on nin kinomposo ya bayoy kanta ha pamomori moyo kona.

Kawkanta 109:30

Mambi kon masyadoy pasasalamat ha Pangino-on boy poriyen ko ya ha pamititipon nin tawtawo,

Kawkanta 106:1

Poriyen moyoy Pangino-on. Pasalamatan moyoy Pangino-on ta hiya ay mahampat, boy hay ingangalo nay ma-in panlalabi ay ayin angga.

Kawkanta 108:3

Pasalamatan kata, Pangino-on, ha tawtawo, boy magkanta kon pamomori komo ha nawnasyon.

Kawkanta 89:5

Pangino-on, hay aw-anghil ya anti ha katatag-ayan ha kama-inan mo ay ampipagkanta nin tongkol ha kawkapapa-ispantay gawgawà mo boy tongkol ha katapatan mo.

Kawkanta 35:18

Ha ombayro, hika ay pasalamatan ko ha kalak-an tawo; ha arapan nin kalak-an tawoy nititipon ay poriyen kata.

Kawkanta 106:48

Poriyen ya Pangino-on ya Diyos ya pinahimala-an nin aw-inalalak ni Israyil. Hiya ay poriyen nin ayin angga. Dayi, kaganawan tawo ay maghalità nin “Amin!” Poriyen moyoy Pangino-on.

Kawkanta 89:7

Ha pamititipon nin aw-anghil, hika ya Diyos ay talagan anggalangen la, boy kaganawan nin anti ha mamalibot mo ay angkatetegnan komo.

Kawkanta 22:25

Ha pamititipon nin kaganawan, hika ay poriyen ko banà ha ginawà mo. Bayro ha arapan nin hatoy nititipon ya ampipanggomalang komo ay toparen koy impangakò ko komo.

Kawkanta 107:32

Dayi, Pangino-on ya itag-ay ha pamititipon nin kalak-an tawo, boy hiya ay poriyen ha arapan nin mangato-ay ampipamo-on.

Kawkanta 9:1

Pangino-on, hika ay poriyen ko nin leseb ha nakem ko, boy ibabalità ko ya kawkapapa-ispantay bagay ya ginawà mo.

Kawkanta 103:1

Poriyen koy Pangino-on; hiya ya ayin kapintasan ay poriyen ko nin lobos ha nakem ko.

Kawkanta 22:23

“Poriyen moyoy Pangino-on, hikawoy ampipanggomalang kona. Kaganawan moyon alalak ni Hakob ay mamarangal ha Pangino-on; talagan dapat kawon homamba kona, hikawoy kaganawan alalak ni Israyil.