22 ta habayto ya mangitoto komo ha pantomalà mo. Ahè ma-alih komo maski angkatoloy ka, boy ha pamimata mo ay mag-in wawali komo.
Tinandà mo boy pangingintindi mo ya makapi-atap komo,
Hay Halità mo ay panatiliyen ko ha nakem ko emen agko makapagkasalanan komo.
Managayabi kon ahè angkatoloy emen ko mapi-aweng ya pawpangakò mo.
Pangno makapag-atap ya mihay anakabayo emen ya manatilin malinis ha pagka-anakabayo na? Hiya ay manatilin malinis no homonol ya ha Halità nin Diyos.
Hay pama-iri ko bayri ha babon lotà ay emen akon bongat dayowan; ombayroman ay ma-in akon kaligawan ta hay angkantawen ko ay pawpanogò mo.
An-ikaliga koy pawpanogò mo ta habaytoy ampanwawali kongko.
Dayi, hay hawang mo boy hay katapatan mo ay mangitoto kongko boy mangibira kongko ha bakil nin Siyon ya kama-inan mo ya masagradoy dogal.
Pangino-on, ampa-alaga-an koy pawpanogò mo; kayà mikaka-allo kon ampi-awengen.
Tongkol ha mala-et ya gawgawà nin tawtawo ay na-i-atap koy sarili ko ha magoloy pamamaraan banà ha hawhalità mo.
Maski liboliboy ka-away ko ya anti ha mamalibot ko ay agko angkalimo.
