Travay 4:26 - Nouvo Testaman: Vèsyon Kreyòl Fasil

²⁶ Tout wa latè yo prepare yo pou batay, tout chèf yo rasanble ansanm pou yo goumen kont Senyè a ak kont Kris la.

1998 Haïtienne

²⁶ Wa latè yo pran pozisyon, chèf yo mete tèt yo ansanm sou do Bondye ak sou do Moun li chwazi a!

Bib Sen An: Kreyòl Ayisyen

²⁶ Wa sou latè yo ap pran pòz yo e gwo chèf yo ap mete tèt yo ansanm kont Senyè a ak kont Kris Li a.’

Travay 4:26 交叉引用

Lik 4:18

“Lespri Senyè a sou mwen. Li chwazi m pou m anonse pòv yo bòn nouvèl la. Li voye m vin di prizonye yo, yo libere, pou m di avèg yo yo kapab wè ankò. Pou m libere moun k ap sibi opresyon yo.

Travay 10:38

Anplis, nou konnen kijan Bondye te mete Sentespri li ak puisans li sou Jezi, moun Nazarèt la. Jezi te mache nan tout peyi a, li t ap fè byen pou moun yo, li t ap geri tout moun ki te anba pouvwa Satan, paske Bondye te avèk li.

Ebre 1:9

Ou renmen sa ki dwat, ou rayi sa ki mal. Se sa k fè Bondye, Bondye w la mete w apa, li ba w plis kè kontan ak plis onè pase tout lòt kanmarad ou yo.”

Revelasyon 11:15

Setyèm zanj lan sonnen twonpèt la. Yon bann gwo vwa soti nan syèl la. Yo t ap di: “Kounye a, wayòm mond lan se pou Senyè nou an ansanm ak Mesi li a, l ap renye sou li pou tout tan gen tan.”

Revelasyon 12:10

Apre sa, m tande yon vwa nan syèl la k ap di byen fò: “Kounye a, jou delivrans lan rive, jou puisans Bondye a, jou reny Bondye a ansanm ak pouvwa Kris li a, paske akizatè frè ak sè nou yo ranvèse anba. Se li menm ki te konn akize yo devan Bondye lajounen kou lannuit.

Revelasyon 17:17

Se Bondye ki mete nan kè yo pou yo fè sa, pou l rive atenn objektif li, yon sèl objektif: mete pouvwa yo nan sèvis bèt la, jouktan pawòl Bondye yo fin reyalize.