Filipyen 3:16 - Nouvo Testaman: Vèsyon Kreyòl Fasil

¹⁶ Sèlman, an nou kontinye ale ansanm sou menm chemen sa a.

1998 Haïtienne

¹⁶ Nenpòt jan sa ye, ann mache toujou jan n te konmanse a.

Bib Sen An: Kreyòl Ayisyen

¹⁶ Sepandan, nan menm fòs ke nou deja reyisi, annou kontinye viv pa menm prensip ke nou fin atenn deja a. Annou toujou gen menm panse.

Filipyen 3:16 交叉引用

Women 12:16

Viv nan inite youn ak lòt pandan n ap chache viv nan lapè. Pa tonbe nan foli grandè, men se pou w dakò fè zanmi ak moun ki san enpòtans nan je lòt moun. Pa pran tèt ou pou moun ki saj.

Women 15:5

Se nan Bondye pasyans ak ankourajman soti. M ap priye pou Bondye ede nou viv an amoni youn ak lòt, nan swiv egzanp Jezikris.

Galat 5:7

Nou te kòmanse kous la trè byen, kisa k pran tèt nou pou fè nou sispann swiv verite a?

Galat 6:16

Se pou lapè Bondye desann sou tout moun ki antre nan nouvo lavi a. Epi se pou Bondye gen konpasyon pou pèp li a, Izrayèl.

Filipyen 1:27

Men, kèlkeswa sitiyasyon an, se pou n viv yon fason ki konfòm ak Levanjil Jezikris a. Konsa, kit mwen retounen wè nou, kit mwen pa vini, mwen ta renmen tande bon temwanyaj sou nou, epi m ap konnen n ap mennen yon konba ansanm pou lafwa nou jwenn nan Levanjil la.

Filipyen 2:2

n ap fè m santi m kontan anpil si nou gen menm objektif, menm lanmou, si n ap viv nan amoni youn ak lòt, si nou youn ini ak lòt toutbon vre.

Filipyen 4:2

Evodi, ou menm ak Sentich, m ap egzòte nou pou nou chache gen tèt ansanm nan Senyè a.

Kolosyen 2:6

Konsa, poutèt nou te aksepte Jezikris kòm Senyè nou, kontinye viv nan kominyon avè l.

Kolosyen 4:2

Pa janm bliye priye pou tout bagay epi se pou n toujou di Bondye mèsi.

Revelasyon 3:3

Sonje kijan ou te resevwa pawòl la ak jan ou te tande l, repanti w epi mete l an pratik. Si ou pa fè atansyon, m ap vin menm jan ak yon vòlè, ou p ap menm konnen kilè m ap rive sou ou.