Efezyen 6:1 - Nouvo Testaman: Vèsyon Kreyòl Fasil

¹ Timoun obeyi paran nou jan Bondye vle l la, paske se sa ki dwe fèt.

1998 Haïtienne

¹ Timoun, se devwa nou tankou moun ki kwè nan Senyè a pou n obeyi papa nou ak manman nou, paske sa se yon bagay ki dwat devan Bondye.

Bib Sen An: Kreyòl Ayisyen

¹ Zanfan yo, obeyi a paran nou nan Senyè a, paske se sa ki bon.

Efezyen 6:1 交叉引用

Estè 2:20

Jis nan pwen sa a, Estè pa t janm fè mansyon nan ki ras oubyen pèp kote l soti. Li te kenbe sa sekrè paske Madoche te mande l fè sa. Estè te kontinye obeyi l menm jan l te konn fè sa depi lè l te lakay li.

Lik 2:51

Jezi te desann ansanm ak yo ale Nazarèt epi li te obeyi yo. Manman li te sere tout bagay sa yo nan kè li.

Women 12:2

Pa panse oubyen pa aji menm jan ak moun ki nan lemonn. Men, kite Bondye transfòme w, kite l ba w yon entèlijans nouvo. Konsa, ou va an mezi pou w konprann volonte Bondye: Sa ki bon, sa ki fè l plezi, sa ki san fay.

Women 16:2

Resevwa li nan non Senyè a. Ede l nan nenpòt fason l ta gen bezwen. Li menm, li se yon byenfetè pou anpil moun, mwen menm, m se youn nan yo. Resevwa l nan jan moun Bondye yo ta fè sa.

Women 7:12

Alò, Lalwa se yon bagay ki sen. Kòmannman an, li sen epi li bon.

1 Korent 15:58

Konsa, frè m ak sè m yo, nou menm mwen renmen anpil, kenbe fèm, pa lage! Angaje nou pi plis chak jou nan travay Senyè a. Jan nou konnen l deja, travay nou fè pou Senyè a p ap janm pèdi.

1 Timote 5:4

Men si yon vèv gen pitit oubyen pitit pitit, fòk timoun yo konnen sa: se yo ki dwe pran swen fanmi yo an premye. Nan fason sa a, y ap rekonpanse paran ak gran paran yo pou sa yo te fè pou yo. Sa a se yon bagay ki fè Bondye plezi.

1 Pyè 2:13

Soumèt nou anba tout otorite ki nan lemonn poutèt Senyè a. Obeyi wa a ki pi gwo otorite a.

Rit 3:5

Rit reponn li: “M ap fè tout sa ou di m fè yo.”