14 Jesúspa yuidi: “Tsua yuiyabawe. Sacerdote mewẽ yura uĩbatawe ma mi kaya. Na Moiséspa kekẽdi keskawakĩ na sacerdotepa bia Dios inaxutiru wutawe. Naskawaidu yurawawe tapikadi mi kaya”, Jesúspa wadi.
Atu uĩkĩ Jesúspa atu yuidi: “Pexe ichapa Jerusalén adu kata oración pexe adu sacerdotewu adu wutakawe matu kaya uĩnuwu”, atu waidu wudiwu. Na sacerdotewu adu dukukadaxba kayadiwu.
“Wanira wetsa aduxu batu iwiyabaiwawe naduax ma katiru. Na pexe ichapaduax kakĩ matu tae bai bapu uxukiriwaĩtakawe. Naskawaxu atu uĩbakawe batu iwiyabawuke Diospa atu ubiskuibaxiwi”, atu wadi.
Jesúspa awẽ biwĩ beedi. “Ẽ bia kayawapai”, wadi. Naskawatadaidu kayatadi.
