29 Ea dikakapu. Wetsatiã yurawawe duduri yuinupukukadi: ‘Na tuutiruwuba ikaidu, na wani tuubisbawu, na xuba ababisbawuri naawu idibatiruwu’, wanupukukadi naa awiwuwawemai wakeyawuadu atũ wakewu atuwe ubiskuinupukukeradawu.
Jesúspa waka keskarawu udua yurawu yuiyaidu na yura ichapa meraxu awĩwawe tsai ewapatu Jesús yuidi: “¡Na awĩwawe bia kaĩdi na bia xuba abapaudi idibatiru!” wadi.
Naskaiwawe iwiakekawata Jesúspa atu yuidi: “Na awĩwuu pexe ichapa Jerusalén aduawawe ẽ uduax siaiyabakawe. Na matu wakewuwe ma aweskaranupukui nawu uduax siaikawe.
