57 Pedropa wumadi: “Heke. Awĩwũ, da dukuwede ẽ tapiaba”, wadi.
“Baa. Ẽẽkaiba”, Pedro ikaidu takara kewuinakawãdi.
Naduax Simón Pedro atuwe chiĩ yuudi. Atuwe yuuwaitu awiana Pedro ñukadiwu: “Mi Jesúsuxũ tapibis”, waiwawe. “Baa. Ẽẽkai Jesúsuxũ tapibisba”, atu wadi.
Yurawawe uĩyaiwudu watura wetsã ‘Jesús ewẽ Diaiwuba’, yurawu atu wabiske naa yura udua ‘Da ewẽ yuraba’, ẽ waaxiwi. Na dai arixu Diospa tsai webiswawe uĩyaiwudu naa udua ẽ yuixiwi: ‘Da ewẽ yuraba’, ẽ waaxiwi.
Tsauwadu chii xuisaki chaxayaitu uibati xawũ Pedro wichidi. Aas uĩta naduawu atu yuidi: “Da Jesúswe dikakaĩda”, wadi.
Sabarakasharabadu wetsã Pedro wichixu yuidi: “Miriwi na awe rawekakaĩda wetsa”, waitu “Heke. Ẽẽbaa”, Pedropa wadi.
