Lucas 21:12 - Yura porciones de la biblia

¹² Askayuataiba na batu duikaspabiswawe batu achikaxu batu chakawaaxikadi. Sinagoga pexewu adu batu iyuxikadi batu ñuaxikakĩ. Naskakata cárcelwu adu batu iyuxikadi. Euxũ yurawawe atiriwi batu diaiwu datukuiwu adu iyukata atiriwi diaiwu wetsawu adu iyuxikadi batu ñuaxikakĩ.

Lucas 21:12 交叉引用

Juan 15:20

“Ẽ batu yuibis keskara shinakawe. Yudubistu awẽ diaiwu winutiruba. Ea ubiskuibaxikadi. Baturi ubiskuibanupukukadi. Na ẽ batu yuiyai ma ea ikũira wake baturi yurawawe batu ikũira waaxikadi.

Lucas 21:11

Bai ichapawu adu wasĩkui bai daya daya ikaidu bai kaxkei wetsenupukukadi. Bai ichapawu aduax yurawu wuni danupukukadi adu ana pitiyabake. Bai ichapaduax yurawu isi besekuiwawe inupukukadi. Yurawawe dai aria awara besekuiwu uĩnupukukadi. Dai ari na uĩbisbawu keskarawu uĩkaxu tapinupukukadi awara aweskaraxiwaitu.

Juan 15:21

Ma ea ikũira wake na ea abiswu keska batu waaxikadi ea nichidi tapitsiwakaxu.