16 Naskawaiwawe Jesúspa na wakewu kedata na auxũ tapipaudiwu atu yuidi: “Da wakewu edekawe iadu wenuwu. Atu xitiyabakawe. Iskarawu Dios atũ diaiwu.
Ma ocho peda ikadu awẽ wake awẽ wushki wichi xatedi na Diospa yuidi keskawadi.
Yurawawe atũ wake pishta wakewu Jesús shinamakĩ ewediwu Jesúspa wisti rasi atu mamaxu “Da wake sharawawe”, atu Dios waxunu. Naskawaiwawe uĩkakĩ na Jesúsuxũ tapipaudiwawe atu yuidiwu: “Askayabakawe”, atu wadiwu.
Wakewawe shinatiruwu: ‘Dios nuku diaiwu inu’, itiruwu. Ẽ batu yuikuinu: watutura na wakewawe shinayai keskara shinayabaiwu nawu Dios atũ diaiwu itirubakuiki”, Jesúspa auxũ tapipaudiwu atu wadi.
