Lucas 18:14 - Yura porciones de la biblia

¹⁴ Awẽ pexe adu kayuabadu Diospa duduri shinadiki: ‘Da yura chakabis aduri ẽ ana shinaiba’, Dios idi. Aduri fariseo udua Diospa shinadiba. Watura wetsã ‘Ẽ bitsisipa’, raixu wetsawu naduri atu shinabapaiyai naa Diospa bitsisipabawaaxiwi. Aka watura wetsã ‘Yurawawe ea “Bitsisipabara”, watiruwu. Naskara shara’, ibiske naa Diospa bitsisipakuiwaaxiwi”, Jesúspa atu wadi.

Lucas 18:14 交叉引用

Lucas 14:11

Watura wetsã ‘Ẽ bitsisipa’, raixu wetsawu naduri atu shinabapaiyai naa Diospa bitsisipabawaaxiwi. Watura wetsã ‘Ẽ bitsisipaba’, raixu wetsawu naduri shinabapaiyai naa Diospa bitsisipawaaxiwi”, Jesúspa atu wadi.

Lucas 16:15

Jesúspa atu yuidi: “Yurawawe shinabiswu maawawe na Diospa duiyai shinawaĩ atiru keskarawu. Naskaweke Diospa na maawawe shinayaiya na ma apaiyai tapia. Na yurawawe duikuiyaiwu Diospa duikaspatiru”, Jesúspa atu wadi.

Lucas 1:52

Diaiwu datukui wisti tsautiru aduxu atiriwi diaiwu datukuiwu atu tsekadi ana diaiwu datukuiwu iyabanuwu. Na ‘Ẽ bitsisipaba. Wetsawu bitsisipa’, shinapaudiwu atu bitsisipawadi.

Lucas 10:29

Naskawaitu dikakĩ Jesúspa shinanu: “Na ea ñuka bitsisipa”, rainu na dukuwene awiana wetsa Jesús ñukadi: “¿Watu ewẽ chaiba ikame?” wadi.