11 Jesúspa dukuwede chakawuweta piyaitu uĩkaxu yuitiwaawu naawu Jesúspa tsai wetsawaxu atu yuidi: “Dukuwede wake raweya idi.
Naskariai yura wisti chakabistu ana chakayabaxikĩ shinaidu aki na dai arixu Diospa tsai webiswu idibatiruwuki”, Jesúspa atu wadi.
Chipuketu apa yuidi: ‘Epã, na mi daadu mewenawu uchiwe ẽ paxkananupukutiru datiã mi dayuxuba duku paxkaxuwe’, wadi. Naskawaitu apã awenawu paxkadi awẽ wake rawe atu inaxikĩ.
