13 Nawu kedataba piti ichapa akĩpaikĩ na yura awayabawu, na dipaikĩ duibiswu, na kasharatiruwuba, wexuwuri atu kedawe atu piti akĩxikĩ.
Naskadu uibati pexe iwu adu dasuta na wekaspawu udua yuidi. Pexe iwawe na wekaspawuki sidakĩ awẽ uibati yuidi: ‘Watura wai ewapatu kushi kata watura wai kawashara tadawaĩ na yura awayabawu, na dipaikĩ duibiswu, wexuwu, na kasharatirubawuriwi naawu atu ewetawe ẽ atu pibanu’, wadi.
Ewẽ kaiwũ, mi Diospa awẽ yurawu atu mi ubisbayabea idibanuwu. Mi atu duike ẽ idibakui.
Na awayabawu atu ubisbakawe. Na matu plato adua atu pikikawe. Ma naskayaitu Diospa batu uĩ matu yuratiixu wani ma chushtaba.
Naskawata na atu pibaiyai Jesúspa yuidi: “Piti ichapa tsuarawu akĩpaikĩ bewe rawebiswu, mewẽ dadeawu, mewẽ kaiwuu, na chaiba ikawu awa yupaibawu, naawu atu kedayabawe nawawemai bia akĩtiruwu ‘Piyuwe’, bia wakata bia nasukakĩ.
Naawu awa ichapayawuba. Bia inapana. Naskaweke Diospa bia sharawanupukui. Diospa bia nasunupukui na yurawawe na Diospa duiyai axikakĩ shinawaĩ atiruwu na dabiswu widiawudu”, Jesúspa fariseowawe atũ diaiwu wadi.
