14 Naskawaitu Jesúspa yuidi: “Dikapu. Ea tsuã yuduaba diaiwawe naatu yuitiru yura ñuawu ubiskuibaimaiki keskara ẽ inu. Ea tsuã yuduaba batu paxkanawanu”, Jesúspa wadi.
“Diaiwũ tsuã ea aweskawaaba”, waitu Jesúspa yuidi: “Ẽriwi ẽ bia aweskawaiba katawe. Ana chakayabawe”, Jesúspa wadi.
Diaiwuwaaxikakĩ iyupaiyaiwawe Jesúspa atu tapidi. Naskake Jesús bachi ari ares iixikĩ kadi.
Jesúspa atu uĩkĩ shinadi: “Iki chipu diawu”, Jesús idi. Jesúspa na dukuwede weru itiruba yuidi: “Na mi chakabiswu aduri Diospa ana shinaiba”, Jesúspa wadi.
Sabarakasharabadu wetsã Pedro wichixu yuidi: “Miriwi na awe rawekakaĩda wetsa”, waitu “Heke. Ẽẽbaa”, Pedropa wadi.
Na yura ichapanawã Jesús chaiba ichanawu adua wetsã Jesús yuidi: “Diaiwũ, ma ewẽ epa daitaki. Ewẽ uchi yuiwe ewe paxkananu na nuku epana ibiswu”, wadi.
