35 Kexeshita denario rawe pexe iwu inadi kexenu. ‘Da dukuwede ea kexesharaxuwe. Da pei sapawu ẽ bia inai daayabaitu mewẽ pei sapauxũ awara mi wixutiru. Ana uxũ na mi gastaitatii ẽ bia nasuxiwi’, wadi”, Jesúspa naduri yuidi.
Nawu kedataba piti ichapa akĩpaikĩ na yura awayabawu, na dipaikĩ duibiswu, na kasharatiruwuba, wexuwuri atu kedawe atu piti akĩxikĩ.
Aki kaxu na kushawu adu vinopa ata xini adi. Vendawawe raxedi. Naskata awẽ asno mamakaya nichixu iyudi dukutiruwu pexe adu. Naduxu kexedi.
Naskawata Jesúspa na dukuwene na Diospa Moisés kedebadi yurawu atu tapibapaudi yuidi: “Tres dukuwene na yubetsuwawe kushawu uĩdiwu. Mi shina ¿na treswawe uĩkadax watu awe chaiba ika nadu idime?” Jesúspa wadi.
