25 Ea dikapu. Yurawawe Jesús dikayaiwudu dukuwene na Diospa Moisés kedebadi yurawu atu tapibapaudiwu wetsa nadu idi. Naa widinakawãdi Jesús ñukaxikĩ. Tapipaidi Jesúspa kebasharaimaiki. Yuidi: “Diaiwũ, ¿ẽ aweskatirume Dioswe ipaxakĩ?” wadi.
Judíowawe atũ diaiwu wetsã Jesús ñukadi: “Diaiwũ, mi shara. ¿Ẽ aweskatirume Dioswe ipaxakĩ?” waitu
Fariseowuweta na dukuwedewawe na Diospa Moisés kedebadi yurawu tapibapaudiwawe “Ea bautizawawe”, Juan wadiwuba. Naskakaxu Diospa awẽ shina dikakaspadiwu.
Naa ma uĩyai keskara profeta ichapaweta diaiwu datukui ichapawawe uĩpaiwikakĩ uĩdiwubaki. Na ma dikai keskara dikapaiwikakĩ dikadiwuba”, Jesúspa atu wadi.
Jesúspa kebadi: “¿Na udua Diospa yurawu kekẽxu Moisés waniri kedebadime? ¿Na Diospa Moisés kedebadi udua waniri mi dikaime?” waitu
Chakawabapaikakĩ Jesús ñukadiwu naskata ñuapaixikakĩ. Naskawawe Jesús baikiri wepepakekawã awẽ mekema bai kededi.
