Lucas 1:72 - Yura porciones de la biblia

⁷² Naskaxu nuku xidiwu atu ubisbanupukui. Naskax na atu yuidi keskanupukui. Na nuku xidiwuwe Dios yuinanadiwu naduri apaxakakĩ na tsai Diosna.

Lucas 1:72 交叉引用

Génesis 28:14

Mewẽ kaiwuu uduax ichapanawã kaĩpakedakawu ichapakui ipadakawu na bishpu keskara tsuã tanatiruba. Nawu paxkanakadi na wari ubis ari ita wari kabiskiri na baitiixu adu iixikadi. Miuxũ yura baitiixu ikawu ẽ atu sharawaaxiwi mewẽ kaiwuunuax ichapanawã kaĩpakedakawuxuriwi.

Génesis 26:4

Mewẽ kaiwuu uduax ichapanawã kaĩpakedakawu tsuã tanawatiruba na exteweruwutii inu. Da bai ẽ batu inaxiwi. Naskatari na baitiixu ikawu mewẽ kaiwuunuax ichapanawã kaĩpakedakawu awara shara ẽ atu inanupukui.

Génesis 22:18

Miamai dikakuike na baitiixu ikawu awarawu shara wĩpadakawu mewẽ wakewuxu mewẽ kaiwuu uduax ichapanawã kaipakedakawuxuri”, wadi.

Génesis 12:3

Miuxũ atiriwu ẽ atu sharawaxiwi. Na bia sharawaawu ẽ atu sharawaaxiwi. Na bia chakawaawu ẽ atu chakawaaxiwi. Miuxũ ẽ atu sharawaaxiwi na baitiixu ikawu”, Diospa wadi.