Juan 7:39 - Yura porciones de la biblia

³⁹ Jesúspa duduri atu yuidi. Na ikũirawaawu Espíritu Santoya ipadakawu. Jesúspa Espíritu Santo tsua inayuaba idi awẽ kaya sharayuabadu. Awẽ Apadu kaxu chipu Espíritu Santo atu inanupukui.

Juan 7:39 交叉引用

Juan 16:7

Naskake ẽ batu yuikui ẽ kayabake Espíritu Santo batuki utiruba. Ẽ kaxu batuki Espíritu Santo nichinupukui.

Juan 12:16

Taekui Jesús udua tapibiswawe tapipaudiwuba Jesús udua Epa Dios tsai kedea idi ma iwiyaitu. Ma Jesús daata ma widitadu a udua tapibiswawe shinatadiwu.

Juan 20:22

Naskata atu yuidi: “Espíritu Santo wikawe”, atu wata atu xuũ adi.

Juan 12:23

Naskake Jesúspa atu yuidi: “Dukuwene awẽ Wake yurawawe idibaxuwaiwu ma ika”, awi yui Jesús idi.

Juan 17:5

Epa bitsisipakui ea inawe. Bai udiyabadu na mewẽ bitsisipa ipaudi keskaraya ẽ inu”, Jesúspa apa wadi.

Juan 14:13

Awara ewẽ adeuxũ ewẽ Epa ma ñukaitu ẽ batu axunupukui naskaitu yurawawe ‘Epa Dios shara’, wanuwu.

Juan 7:12

Yurawawe yuitiwadiwu: “Naa dukuwede shara”. Wetsawawe yuikakĩ: “Baa. A dukuwede sharaba. Yurawu parabis”, wadiwu.

Juan 6:14

Tsuã atiruba keskara Jesúspa akaitu uĩkakĩ: “Ikũkui datu Dios tsai yuibis: ‘Bai adu unupukui’, wadiwu naa ma dukua”, idiwu.

Juan 1:33

Ẽ tapidiba a tsuamaiki. Ene ẽ atu bautizawanu ea nichiditu ea yuidi: ‘Mi tapinupukui Espíritu Santo dai ariax uwaitu na riwi keskara awẽ texparakadu tsauwaitu naatu Espíritu Santopa bautizawatiru’.

Juan 1:25

“Aweskakĩ mi atu bautizawaime. Mi Mesías yabawixu mi Elías yabawixu mi Epa Dios udua yuibisba”, wadiwu.

Juan 1:21

Awiana ñukadiwu: “Mi tsuame. Mi Diospa tsai yuibis Elíasme”. Juanpa atu kebadi: “Ẽ Elíasba”, Juanpa atu wadi. Awiana ñukadiwu: “Mi Diospa tsai yuibisme”, wadiwu.

Lucas 24:49

Ea dikakapu. Na ewẽ Epã batu yuidi batu inayaxakĩ naa ẽ batuki nichixiwi. Da Jerusalén adu netekawe Espíritu Santo badaxikakĩ. Dai ariax uuxiwi na uduax maawu bitsisipa iixikakĩ. Na uduax bitsisipa ita Jerusalén adua ma tseketiru”, Jesúspa atu wadi.

Lucas 7:16

Naskaitu uĩkadi naatiiwi ratediwu. Yuinadiwu: “Dios sharakui”, wananadiwu. “Profeta bitsisipa ma dukuki ua. Diospa awẽ yurawu ayudawaiyua”, wadiwu.

Lucas 3:16

Tapipaiyaiwawe Juanpa atu yuidi: “Ẽ ene ẽ batu bautizawai. Wetsa chipu ui. Naa bitsisipa. Ẽ askaraba. Naatu awẽ Espíritu Santopa batu bautizawaaxiwi. Chiĩriwi batu bautizawaaxiwi. Ẽ awẽ uibati itiru ẽ beeiba.

Juan 14:26

Ewẽ Epã Espíritu Santo yurawu awara shara tapibatiru nichinupukui ewẽ adeuxũ. Naatu awarawu batu tapibaidu na ẽ batu tapibabis ma shinanupukui”.

Juan 8:54

Jesúspa atu kebadi: “Ewi ẽ duinabea aakai awaba. Naskaweke na ea duiyai naa ewẽ Epa, ‘Naa nuku Dios’, ma wabis”, Jesúspa atu wadi.

Juan 16:14

Naatu ewẽ bitsisipa batu uĩbanupukui. Naskake na ẽ udua ewẽ tsai batu yuiyaitu ma tapinupukui.

Juan 17:1

Naskata Jesúspa dai mera uĩta kiwĩdi: “Epã datiã ma ika. Mewẽ Wake bitsisipa uĩbawe na mewẽ Wakẽ bitsisipa uĩbada keskawakĩ.