41 Awẽ tsai dikakaxu yura ichapatu ikũira wadiwu.
Espíritu duku ibapaketiru. Yurã tsua ibapaketiruba. Na tsai ẽ batu yuiyai Espíritu naatu batu ibapaketiru.
Oración pexe kexebiswawe atu kebadiwu: “Na dukuwene awẽ tsai sharakui. Tsuã aduri yuibisba”, atu wadiwu.
Jesúspa atu tapibaitu dikakadi wetsa keskaradiwu. Shinadiwu: “Diaiwu bitsisipatu yuiyadu duku tapibai”, wadiwu.
Judá diaiwuadu tsuãkai awẽ bitsisipa wiãdakaba diaiwu datukui yurawawe ikũira wanupukukadi uyuabadu.
Naskata na awĩwu dikakadax Jesúski wediwu awẽ tsai dikakadi. Aki dukuxu yuidiwu: “Duwe dudu iyuwe”, wadiwu. Naskawaiwudu dikata Jesús samaritanowuwe uxarawedi.
Yurawawe awĩwu yuidiwu: “Na mia duku yuiya a wisti nu ikũira waiba. Nuyakui ma nu uĩya ma nu dikata awẽ tsai. Na ikũkui duku uduax Rawanaibis”.
