12 “Pii wekawe”, Jesúspa atu wadi. A udua tapibiswawe: “Mi tsuame”, wadiwuba mamai tapikaxu naamai atũ Diaiwuke.
Naskake Jesúspa atu tapidi ñukapaiyaiwawe. Naskaxu atu yuidi: “Ẽ batu yuiya ana ea ma uĩyuiba. Chipu ma ea uĩwaidaka ẽ batu wanu. Naa ma yuinaime.
Ma pikata Jesúspa Pedro ñukadi: “Simón Juanpa wake mi ea duime”, waitu Pedropa kebadi: “Ikũ Diaiwũ. Mi tapia ẽ bia dui”. Naskaitu Jesúspa Pedro yuidi: “Naskake na ea ikũira waawu ea atu kexesharaxuwe naawu na oveja wake keskarawu”, Jesúspa wadi.
Naskata Jesús awĩwuwe tsaikaidu auxũ tapibiswu wediwu. Wekaxu uĩyawu Jesús awĩwu samaritanawe tsaikaitu uĩkadi peesidiwuba. Naskake tsuã ñukadiba: “Awa mi yuime. Aweskai awĩwuwe mi tsaikime”, wadiwuba.
Atu yuiwiyaitu na auxũ tapipaudiwawe dikatapitidiwuba. Diospa atu dikatapititibawaidu dikatapitidiwuba. Ñukapaidiwu wanirimaiki. Ñukapaikĩ radudiwu.
Simón Pedropa xaxuwãũ dadeinakawata rede bishpu adu xarawudi. Ciento cincuenta y tres shima ewapa idi. Naskawixu rede shimawawe waxtediba.
