10 Jesúspa atu yuidi: “Na ma raba shima wiyai wetsa wekawe”, atu wadi.
“Da wake cinco pan cebadana ita shima kawashara raweya. Naskaweke datii yurawu dukutiruba”, wadi.
Jesúspa awẽ mekema pan tsubaxu Dios aki idibadi. Na tsauwawu atu inadi. Shimari naskari wadiwu na pipaiyai keskawanuwu.
Na bishpu adu dukukaxu uĩyawu chii manaũ shima idi. Naduriwi pan idi.
Simón Pedropa xaxuwãũ dadeinakawata rede bishpu adu xarawudi. Ciento cincuenta y tres shima ewapa idi. Naskawixu rede shimawawe waxtediba.
Naskata Jesúspa pan wita shimari wita atu inadi pinuwu.
Naskaitu uĩkadi idibakadax wetsa keskaradiwu. Naskawia na Jesúspa atu yuiya ikũira wayudiwuba. Naskake Jesúspa atu ñukadi: “¿Dudu pitime?” atu wadi.
