Juan 20:27 - Yura porciones de la biblia

²⁷ Naskata Jesúspa Tomás yuidi: “Mewẽ biwi dudu miipu. Naskata mewẽ mekema ewẽ pishi adu miiwe. Ana ikũrakaki atu wayabawe. Ea ikũira wawe”, wadi.

Juan 20:27 交叉引用

Juan 20:25

Tomás dukuwaitu Jesús auxũ tapibis wetsawawe Tomás yuidiwu: “Nuku Diaiwu ma nu uĩya”, wadiwu. Naskawaiwudu Tomáspa atu kebadi: “Awẽ biwiki bastaitawu adu uĩxuba ẽ batu ikũira watiruba. Na bastaitawu adu ewẽ biwi miitaba awẽ pishi adu chachitawu aduri ewẽ biwi ẽ miitabariwi ẽ batu ikũira watiruba”, atu wadi.

Juan 20:20

Naskata awẽ biwi adu bastaitawu atu uĩbata awẽ pishi adua atu uĩbadi. Naa uĩkadi auxũ tapibiswu Diaiwu Jesúski idibakuidiwu.

Lucas 24:40

Naskawata awẽ meke raweya awẽ tae rawe atu uĩbadi.

Lucas 9:41

Naskawaitu Jesúspa yurawu yuidi: “Iki ma chipu diaba datiãba me batuwe ikakaĩdaweke. Aduriba ma shinatiru. Aduriba ma abis. Naskake ma ẽ batuki chikishta”, atu wadi. Naskata Jesúspa na wakẽ awẽ apa yuidi: “Mewẽ wake ewewe”, wadi.

Lucas 24:39

Ewẽ meke rawe ewẽ tae raweriwi uĩkapu. Ẽẽkai wetsaba. Ea beekapu. Uĩkapu. Ẽ dabiya. Ẽ xauya. Ẽ wakax ẽ iskara ikeradaba”, atu wadi.

Juan 20:28

Naskawaitu Tomáspa Jesús kebadi: “Mi ewẽ Diaiwu ita mi ewẽ Diosri”, wadi.