26 Ocho peda ma ikadu Jesúsuxũ tapibiswu awiana pexe wisti adu ichanawu idi. Naduriwi Tomás atuwe idi. Weputi ma wepuwiawu Jesús ikikaĩdi. Atu nexpakaya nixu atu betakaxadi: “Epa Dios batu sharawanu”, atu wadi.
Naa yabeta domingo ikaidu Jesúsuxũ tapibiswu pexe wisti adu ichanawu idi. Weputi rekeweawu idi judíowuki besekadi. Naskaiwudu Jesús ikikaita nexpakaya nixu atu betakaxata yuidi: “Epa Dios batu sharawanu”, atu wadi.
Awiana Jesúspa atu yuidi: “Epa Dios batu sharawanu. Ewẽ Epa ea nichidi keskawakĩ ẽ batu nichi”, Jesúspa atu wadi.
“Ewẽ wipi shara ẽ batu inawaĩdikai. Yura chakawu inatiru keska ẽ batu waiba. Shinachakayabakawe. Naskatari beseyabakawe”.
Jesúsuxũ na anupukuwai naa Jesúspa yurawu atu tapibaita ocho peda ikadu Jesúspa Pedro, Juan, Santiagori machiwã adu atu iyudi kiwĩxikĩ.
Na pexe ichapaba Emaús adua dasua raweta na Jesúspa nichipaudiwuya na atuwe ichanawu atu yuiyaiwudu Jesús atu nexpakaya ditadi. “Ma isharata inu”, atu wadi.
Na Tomás Dade Rawe wabiswu Jesús udua tapibis. Naatu atiriwi Jesús udua tapibiswu atu yuidi: “Duriwi nu awe wunukawe”, atu wadi.
Naskadu awiana Jesús dukudi na auxũ tapibiswuki. Tiberias iãmawa keseme idi.
Ma dawiyaitaxakĩ ma atuki ui rawewiax ma ana atuki ua idi.
