38 Naskadu Arimatea ika awẽ ade José naatu Pilato Jesúspa awẽ kaya ñukadi wutubata wuuxikĩ. José Jesús auxũ tapibiswiax judíowuki besekĩ tsua yuipaudiba. Pilatopa yuiadu Josépa awẽ kaya wudi.
Naskata awirana yuinadiwu judíowawe atu dikayabanuwu judíowuki besekadi.
Naskaweke Judío ichapawawe Jesús ikũira wadiwu atiriwi diaiwuwaweri. Awa yuidiwuba fariseowuki besekakĩ duku putayabanuwu raikadax atũ ichanati pexe meraxu.
“ ‘Epa Diospa Jesús kañawadi’, tsuara ikaitu nuku ichanati pexe adu ikitiruba”, judíowu ikaiwawe dikakadi apawe awa besediwu.
