36 Epa Diospa tsai wetsã kededi keskara inu naskara idi: “Awẽ xau tsuã chukĩ anupukuiba”, naskara ma kedea idi.
Naskata Jesúspa ma tapia idi na udua kedediwu ma ike. Epa Diospa tsai kedea keskarakui inu yuidi: “Ẽ dubi”, idi.
Soldadowu idiwu: “Nu waxteyabanu. Tsuã wiimaiki nu sorteawanu”, idiwu. “Ewẽ saweti paxkanakata sorteawaawu ewẽ saweti tsuarana inu”. Epa Diospa awẽ tsai naduri kedea idi. Na profetapa kededi keskara soldadowawe adiwu.
Jesúspa awiana atu yuidi: “Atiwi ẽ batu yuiba. Ma ẽ atu tapia na ẽ kañawabiswu. Naawu ẽ yui. Na Dios tsai kedea keskawaidaka: ‘Na eweta piyaitu ea duikaspabis’ ”, Jesúspa atu wadi.
