24 Soldadowu idiwu: “Nu waxteyabanu. Tsuã wiimaiki nu sorteawanu”, idiwu. “Ewẽ saweti paxkanakata sorteawaawu ewẽ saweti tsuarana inu”. Epa Diospa awẽ tsai naduri kedea idi. Na profetapa kededi keskara soldadowawe adiwu.
Naskata Jesúspa ma tapia idi na udua kedediwu ma ike. Epa Diospa tsai kedea keskarakui inu yuidi: “Ẽ dubi”, idi.
“Ma nu tapia Epa Dios tsai kedea nu chanitiruba. Naskake Epa Diospa yurawu atu awẽ tsai yuiyai dioses atu wadi.
Jesúspa Apa kiwĩdi: “Epã, na soldadowu iki chakaiwu aduri ana shinayabawe dawawe ‘Nu Diospa Wake bastai’, ikaxuba ea iskawakadiki”, Jesúspa Apa wadi. Soldadowawe Jesús awẽ saweti paxkanaxikakĩ sorteawadiwu.
Jesúspa awiana atu yuidi: “Atiwi ẽ batu yuiba. Ma ẽ atu tapia na ẽ kañawabiswu. Naawu ẽ yui. Na Dios tsai kedea keskawaidaka: ‘Na eweta piyaitu ea duikaspabis’ ”, Jesúspa atu wadi.
