20 “Ẽ udua tapibiswu wisti ẽ atu kiwĩxuiba. Wetsawaweri ewẽ tsai ẽ udua dikakakĩ ea ikũira waaxikadi naawu ẽ atu kiwĩxui.
Naskatari ẽ oveja wetsawuya. Awu na kede aduwuba. Naawu ẽ atu iwinupukui. Naawu ẽ atu yuiyai keskanupukukadi. Nadu wistiri ichanupukukadi. Naawu oveja kexebis keskara wistiya inupukukadi.
Mewẽ tsai ikũkui shinakuita ẽ ibis. Naskariwiyai naawu mewẽ tsai ikũkui shinata inuwu”, Jesúspa apa kiwĩdi.
Naskake ẽ bia atu kiwĩxui na nu shinai keskara wisti shinanuwu na bia ikũirawaawawe. Naskake yura chakawawe ikũira wanuwu ea mia nichidi.
