5 Ana Jesúspa atu yuidi: “Ewẽ Epã ea nichidi datiã ẽ nadu kai maawawe waki mi kaime ea ma waiba.
Simón Pedropa Jesús ñukadi: “Diaiwũ waki mi kaime”, wadi. Jesúspa kebadi: “Datiã ewe mi katiruba. Chipu mi kanupukui”, wadi.
Jesúspa atu yuidi: “Ẽ batuwe iki chaiba. Naskata na ea nichidi adu ẽ dasuxiwi.
Ewẽ Epa Dios aduax bai adu ẽ udi. Awiana da bai aduax ewẽ Epa ikadu ẽ dasui”, Jesúspa atu wadi.
Ẽ da bai aduxu awarawu ẽ atu uĩba mewẽ bitsisipa. Na mi duiyai keskara me aka.
Ẽ awa chakawaaba. Ewẽ Epa adu ẽ kai. Maawawe ea ana uĩwaidakaba.
Jesúspa ma tapia idi Apã awẽ bitsisipa inadi. Apa aduri kayaxakĩ ma tapia idi. Apãri nichidi ma tapia idi.
“Ana ea ma uĩyuwaidakaba. Naskaweke awiana ẽ chipu dasuadu ea ma uĩxiwi”, Jesúspa atu wadi.
“Ẽ yuiyaitu ma ea dika ẽ kaax awiana ẽ unupukui batuwe ikiyui. Ea ma dui ma idibatiru ewẽ Epa adu ẽ kaitu. Ewẽ Epã naatu ea winua.
Ma aweskatirume uĩkĩ Dukuwene awẽ Wake awiana dai mera kaidu na udiadu.
“Na mi ikadu ẽ kai. Bai aduax kayuxuba ẽ yui ẽ udua tapibiswu idibakuinuwu na ẽ keskara.
Atu askawaitu dikakadi atiriwi a udua tapibiswu awirasi yuinadiwu: “Awe ipai ikime: ‘Ewẽ Epa ari ẽ kaitu ana ea ma uĩyuiba’, duku waime. ‘Awiana chipu ẽ uadu ma ea uĩnupukui’, duku wai”, a udua tapibiswu idiwu.
