18 “Awe ipai duduri ikime: ‘awetiira peda wisti’. Na duku yuiyai keskarakai nu tapiba”, ikadax yuinariadiwu.
Jesúspa atu yuidi: “Ma wena dikatapititiruba. Naatiiwi na profetawawe yuidiwu ma wena ikũira watiruba.
Atu askawaitu dikakadi atiriwi a udua tapibiswu awirasi yuinadiwu: “Awe ipai ikime: ‘Ewẽ Epa ari ẽ kaitu ana ea ma uĩyuiba’, duku waime. ‘Awiana chipu ẽ uadu ma ea uĩnupukui’, duku wai”, a udua tapibiswu idiwu.
Naskake Jesúspa atu tapidi ñukapaiyaiwawe. Naskaxu atu yuidi: “Ẽ batu yuiya ana ea ma uĩyuiba. Chipu ma ea uĩwaidaka ẽ batu wanu. Naa ma yuinaime.
