20 Ma dawiax awiana ẽ dasua ma ea tapinupukui ewẽ Epawe ẽ ika. Ma ewe ika. Ẽriwi batuwe ika.
Bia ẽ atu tapibabis na mi ea duiyai keskari wakĩ nawaweri wetsawu duikuinuwu ẽ atuwe iyuadu. Naskatari ẽ atu uĩbabis”, Jesúspa Apa kiwĩkĩ naskawadi.
“Ea ma ikũira waiba ewẽ Epawe naa wisti nu. Na tsai ẽ batu yuibis ewẽ shinama ẽ batu yuiba. Ewẽ Epa awẽ shina ẽ yuibis”, Jesúspa atu wadi.
Ea ma ikũira waiba na tsuã atiruba keskara ẽ akaitu ea ikũira wakawe tapixikakĩ ewẽ Epa ewe. Ẽriwi ewẽ Epawe”, Jesúspa atu wadi.
Naa pedata ewẽ adeuxũ awara ma Epa Dios ñukaxiwi. Ẽ batu kiwĩxuxiba. Bawirasi ma Epa Dios kiwĩxiwi.
Watura wetsã ewẽ dabi pikata ewẽ ibi ayakadax naa ea ikũirawaawu ewe ipadakawu. Ẽriwi atuwe ipadaka.
Da bai adu ana ẽ ikiba. Ẽ udua tapibiswu netekadi. Na mi ikadu ẽ kaidu Epã mewẽ ade bitsisipayaxu atu kexesharawe na wisti keskara inuwu. Miiwe ẽ ika keskai na bitsisipa ea mia inadi keskawakĩ.
“Naskaidu da pedata. Ana ea ma awa ñukawaidakaba. Ẽ batu yuikuinu ewẽ adeuxũ. Ewẽ Epa awara ma ñukaitu batu inaxiwi.
Mia yuiya keskara naatiiwi ẽ atu yuibis. Nawu ma tapiawu.
“Ẽ batu paraiba. Ea ikũira wakawe. Ewẽ Epawe nu naa wisti. Askara ma ikũira wayabaxu na tsuã atiruba keskara ẽ akaitu ea ikũira wakawe.
