17 Na bai adu ikawawe Espíritu ikũkui ikũira watiruwuba uĩkataba tapitsiwakaxu. Maawawe ma tapia. Naskake nawe ma ipadaka”, Jesúspa atu wadi.
Espíritu Santo ikũkui uxũ naatu batu yuikuinupukui ikũkuina. Naskatari kayakawikui ma ipaxanu batu yuiyunupukui. Awẽ shina batu yuinupukuiba. Epa Diospa awẽ shina batu yuinupukui. Na awara inupukuwai.
“Espíritu Santo ikũkui euxũ ewẽ Epã nichinupukui. Na ikũirawaawutii atu uduax rawanaibis uwaidu ẽ udua atu yuikuinupukui.
Ewẽ Epa ẽ yuinupukui Espíritu Santo batu nichixunu naatu batu uĩti sharawaxunu naa batuwe ipaxanu.
Jesúspa kebadi: “Ea duita ewẽ tsai ikũira wake naa ewẽ Epa duinupukui. Ewẽ Epawe awe ipaxakĩ nu unupukui”, Jesús idi.
Ewẽ Epã awẽ shinama apaiyai yurawawe Diospa Wake uĩkadax na ea ikũira waawu ipadakawu. Ẽ awiana bai adu uwaitiã dabiswu ẽ atu udiwaaxiwi”, Jesúspa atu wadi.
