14 Awara wetsa ewẽ adeuxũ ma ea ñukaitu ẽ batu axutiru”, Jesúspa atu wadi.
“Maawawe ea kañawadiba. Askataba na ẽ batu kañawaitii ẽ batu katubis. Na iwi puña wibi ichapaya itiru keskai ma naskanu ẽ batu nichibis. Naskake ewẽ adeuxũ awara ewẽ Epa ma ñukaitu batu inatiru.
“Naskaidu da pedata. Ana ea ma awa ñukawaidakaba. Ẽ batu yuikuinu ewẽ adeuxũ. Ewẽ Epa awara ma ñukaitu batu inaxiwi.
Datiã ewẽ adeuxũ awa ma ñukakabeaba. Ñukakabekawe ewẽ Epa batu inanu idibakuixikakĩ”.
Awara ewẽ adeuxũ ewẽ Epa ma ñukaitu ẽ batu axunupukui naskaitu yurawawe ‘Epa Dios shara’, wanuwu.
Ewẽ Epa ẽ yuinupukui Espíritu Santo batu nichixunu naatu batu uĩti sharawaxunu naa batuwe ipaxanu.
