39 Tsuãrikai ikũira watiruba naskara Isaías kededi idi:
Ea ma ikũira waiba na tsuã atiruba keskara ẽ akaitu ea ikũira wakawe tapixikakĩ ewẽ Epa ewe. Ẽriwi ewẽ Epawe”, Jesúspa atu wadi.
Aweskawaxu ma ea ikũira watirume. Yura wetsawawe batu uduax yuisharanuwu naa ma duibis. Diospa batu yuisharaidu ma duiba. Naskakĩ ma Dios tsai ma dikakaspai.
Ewẽ Epã na ea nichiditu axuyabaidu tsua ẽ udua tapibis itiruba. Ewẽ Epã na baitiu ma adaitiyaidu na ẽ udua tapibiswu awiana ẽ widinupukui Epa Dioswe ipaxanuwu.
Naa Epa Dios tsai yuibis Isaíaspa. Naskara kededi naskakuidiwu: “Diaiwũ tsuã nuku tsai ikũira waame. Watu mewẽ bitsisipa mi uĩbadame”, Isaíaspa kedei.
“Epa Diospa atu dikatapitibawadi dikayabanuwu atũ weruri na wepua keskara idiwu. Atũ chaka putayabanuwu naskata ikũira wayabanuwu ẽ atũ chakawu suayuabadu iki weabanuwu”, Isaíaspa kededi.
