18 Naskake Jesúski yurawu dukui wudiwu na tsua atiruba keskara akaitu dikakaxu.
Lázarouxũ judíowawe na sacerdotewu ana atuki chipudiayabaiwawe Jesús ikũira waaxikakĩ.
Jesús Bachi Olivo tisiribeti ma dukui kaidu Jesúspa na Dios wistichi atiru akaitu uĩbixakakĩ naatiiwi na Jesúsuxũ tapipaudiwu idibayana yuubai taeiniwuwadiwu: “¡Dios sharakui!” wadiwu.
Pexe ichapa Caná bai Galilea aduxu Jesúspa tsuã atiruba keskara sharakui atu uĩbadi a udua tapibiswawe. Naskaitu ikũira wadiwu.
Isinikaiwu kayawaa uĩkaxu yura ichapawawe chiruwaĩdiwu tsuã atiruba keskara akaitu uĩkakĩ.
Yura ichapa Jerusalén wuawu idi fiesta awẽ ade Pascua ikaidu. Peda wetsa Jesúsriwi pexe ichapadu uwaitu dikadiwu.
Fariseowu awirasi yuinadiwu: “Ma nu uĩ nu aweskatiruba. Naatiiwi yurawu Jesúswe wukadi”, iki wetsediwu.
