57 Naskakaxu sacerdotewu atũ diaiwuweta fariseowawe atu yuikĩ iskawadiwu: “Watura wetsã Jesús wichixu duku yuikawe nu achinu”, atu wadiwu.
Naa dikakata ana Jesús achipaidiwu. Atubakiduax kaitu tsuã tapidiba. Naskake tsuã achidiba.
“ ‘Epa Diospa Jesús kañawadi’, tsuara ikaitu nuku ichanati pexe adu ikitiruba”, judíowu ikaiwawe dikakadi apawe awa besediwu.
Naskata Jesús yurawawe ruwẽ tsakapaiyaiwudu udeta oración pexe aduax tsekekaĩdi kadi.
Naskake yura atiriwawe Jesúspa Lázaro ma dawĩyaitake widibada fariseowu yui wukadi wudiwu.
Naskake naa dikakadi fariseoweta sacerdotewawe atũ diaiwuwawe awẽ diaiwu datukuiwu ñukaxikakĩ kedakata ichanakaxu shinadiwu: “Jesús nu aweskawaime. Tsuã atiruba keskara awawaĩdi”, idiwu.
