43 Naduri yuita tsai ewapatu: “Lázaro naduax widikerãwe”, Jesúspa Lázaro wadi.
Ma ẽ tapia mi ea dikabis. Yurawawe tapinuwu ẽ bia yui ea ikũira wanuwu mia nichidi”, Jesúspa apa Dios wadi.
Naskawaidu Lázaro kaĩkerãdi aũ rakuitawuya. Awẽ wemanaki wepua idi. Naskaxu: “Aũ rakuitawu pekakawe katanu”, Jesúspa atu wadi.
Fiesta awẽ ade Pascua sababa ma seis peda ikaidu Jesús Betania kadi Lázaro ikadu. Naa Lázaro Jesúspa widibaitadu.
Betania adu Jesús dikakadi judíowu ichapawu Jesúski wediwu. Naskata Lázaro uduari wediwu na Jesúspa widibaita.
