20 Peiyawuri nama xaratiruwuri yuina wetsa keskara rawe naawu xaxuwã mera bewe ikinuwu naawu asayabanuwu.
Yuina wetsa keskarawu peiya wetsa keskarawu udiwaawu naawu Epa Diospa bai udiwaxu dukuwedeki wedi. “Atu adepakenu”, ixu nawu aki ewedi. Naskadu dukuwene yuina wetsa keskarawu peiyawu naawu wisti rasi awara ade adea naa awẽ ade ipaxanu.
Maawawe ea ikũira wapaiba ipaxakakĩba.
Epa Dios tsai shara iskara atu yuidi: “Ichapakexakawe. Ede mera ikawu shimawawe atũ iwu peiyawawe atũ iwuri na dai mera yuyatiruwuri yuinawawe iwuri bai adu xaratiruwuri nawuwawe iwu mi ipadaka.
Naskatari siete peiya wedewu ikibata siete peiyawawe atũ awĩ ikibawe naa yuyabiswu naawu bai adu ipaxanuwu.
