16 Judápa kebadi: “Diaiwũ awa nu bia kebatirume. Aweskawaxu nu bia tapibatiruba nu awara chakawabisba. Diospa nuku chaka duduxu duku wichia. Datiã mewẽ uibatiwu nu iki na mewẽ kechu bia uneawe”, Judápa José wadi.
Watura wetsa awẽ chabiupu meradua mi kechu wichixu naa mi retetiru. Nuwu mewẽ diaiwũ awẽ uibati ipadaka”, Josépa awẽ udiwetsawawe wadiwu.
Naawu keskara iyabakawe awarawu yurawawe atuna wisti udeawumai naawu tapinabea inupukui.
Duduri ewẽ epa ẽ yuita: ‘Da wake ẽ kexesharakuikai’, ẽ waita. ‘Na ẽ yuiyai ẽ askaikai’. Naskatari: ‘Ewe dasuyabaitu na awara aweskarawu naa ewena iki’.
José awiana dabaxu awẽ uchi rana atu yuidi: “Wari uxe once exteweru ikaidu ikiri wesuxu na diaiwu atiru keska ea waawu”, atu wadi.
Wai babakixu naatiiwixu trigo nu pishtanea. Naskayaidu ewena kushikui widinakawata kayakawikui dia ika. Batunawu kakuwawaĩda ika ewẽ trigo pishtanabea na diaiwũ atiruwu keskawaawu”, Josépa atu wadi.
Naskaiwawe Josépa atu yuidi: “Aweskaxkai ẽ askatiruba. Ewẽ kechu shara ea unewaĩda da wisti ewẽ uibati iki. Ewẽ uibati ẽ batu wadakaba. Atiriwi matu apã pexe adu wutiruwu. Tsuã batu wekaxtiwaaba”, atu Josépa wadi.
