22 Awiana nu pei nu wea trigo wiixikĩ. Nu tapiaba tsuãra nuku chabiupu mera nuku pei dadexuita”, Josépa awẽ udiwetsawawe wadiwu.
Na uxaiwu aduxu da yabeta wistichi awẽ chabiupu wepeta awẽ asno pibapaikĩ awẽ pei wichidi.
Pei rawe wuxutakawe na inata na batu inayabea. Tapixuba dadeyabea itiruki.
Na nu uxai aduxu nuku chabiupu wepekĩ nuku pei nu wichita. Naa pei nu bia nasuiyua.
Na pexe adua awarawu kexebistu atu yuidi: “Rateyabakawe. Matu epa awẽ Diospa matu Diosri matu pei awiana matu chabiupu mera dadexuita. Na ma peiuxũ inaita naa ma ẽ wiita”, atu wadi. Yuikĩ adaitita atuki Simeón ewedi.
