20 Naskata yuidiwu: “Diaiwũ wetsatiã peiuxũ trigo nu wiwaĩta.
Josépa awẽ udiwetsawu diez idi. Nawawe Egipto adua peiuxũ trigo wii wudiwu.
Naskata kebadiwu: “Ewẽ diaiwu askaraba. Nuwu mewẽ uibatiwu nu trigo peiuxũ wiyua.
Awẽ wake ranane kebadiwu: “Duku udua nuku kaiwuu uduari ichapa duku ñukariwaita. ‘Matu epa dayuabame. Ma extu wetsayame’, duku waitu nu tapitaba duku yuiyaitu: ‘Matu extu ewetakawe’, duku waita”, wadiwu.
Naskaweke Judápa kebadi: “Epã diaiwu Egipto aduatu duku yuikuita: ‘Matu chipuke ma eweyabake maariwi utiruba’, duku waita.
Josépa udiwetsawawe trigo napapaikakĩ atũ pei wichikadax apawe ratediwu.
Na uxaiwu aduxu da yabeta wistichi awẽ chabiupu wepeta awẽ asno pibapaikĩ awẽ pei wichidi.
Pexe kaĩti adu dukudiwu. Naskata Josépa awẽ pexe adua awarawu kexebis chaiba wukaxu awe tsaidiwu.
Na nu uxai aduxu nuku chabiupu wepekĩ nuku pei nu wichita. Naa pei nu bia nasuiyua.
