18 Josépa pexe adu atu iyuwaitu uĩkadi ratekuidiwu. Iskadiwu: “Na peiuxũ duku nasuitawu naawu uduax nu atũ uibati iki duku achikadi nuku yuinawuya”, idiwu.
Josépa udiwetsawawe trigo napapaikakĩ atũ pei wichikadax apawe ratediwu.
Naskata awẽ udiwetsawu atu yuidi: “Ewẽ pei ma ea ana waxuawu”, atu wadi. Naa uĩkadi ratediwu awirasi yuinadiwu: “Duku Diospa duku aweskawaime”, idiwu.
Awirasi yuinadiwu: “Ikũkui nu ubiskui nuku extu nu chakawadi uduax nu iskai. Ea iskawayabakawe ubiskuita siaiwiyaitu nu ubisbadiba”, ixu shinadiwu.
Josépa yuiya keskawadi. Dukuwedewu Josépa pexe adu atu iyudiwu.
Pexe kaĩti adu dukudiwu. Naskata Josépa awẽ pexe adua awarawu kexebis chaiba wukaxu awe tsaidiwu.
Na uxaiwu aduxu da yabeta wistichi awẽ chabiupu wepeta awẽ asno pibapaikĩ awẽ pei wichidi.
Canaán aduax nu dasuita. Duku chabiupu meradua nuku pei nu wichita. Nu bia dasuiyui. Aweskawaxikĩtsi nu mewẽ diaiwu pei oro nu unenatiruba.
