38 Naskata Jacobpa kebadi: “Ewẽ wake batuwe kaiba. Awẽ udiwetsa José ma dadi. Benjamín wisti ewe ika. Ma kaidu aweskarake. Ẽ shinabetsai datiru”, Jacob idi.
Awẽ wake awĩwuwawe dukuwedewaweri siaiyabanu shinabapaiwiaiwawe atu dikataba siaipaudi. Na ẽ daitiã ẽ shinabetsaxiwiba Jacobpa awẽ wakewu atu wapaudi.
Jacobpa Benjamín nichikaspadi: “Josépa udiwetsa aweskaraikatiru”, raixu.
Jacobpa awẽ wakẽ saweti unanadi. Naskax shinabetsakuiyana: “Yuina puwẽ wetsã ewẽ wake ea piã”, Jacob idi.
Naskata udiwetsawawe kebadiwu: “Nu mewẽ uibatiwu nu doce nuku epa wistichi duku aka. Nu Canaán adu ika. Nuku chipuke nuku epawe netea. Wetsa ana duweba”, wadiwu.
Diaiwũ nu bia kebaita: ‘Nuku epa adiwu. Nuku extu chipuke pexku. Nuku epa adiwuxu nuku chipuke adi’. Naskatari nu bia yuita: ‘Nuku epã nuku extu duikuibis’, nu bia waita. ‘Awa wistichi aka awẽ wake rawe. Naskake nuku epã duikui ma wetsa ma dadiadu’.
Naskata Jacobpa awẽ saweti shara waxteta saweti chakashta sawedi. Na pedatiiwi awẽ wake shinai shinabetsata badubetsapaudi.
Naskata Rubénpa apa yuidi: “Benjamín eaya nichiwe. Ẽ kexesharaikai. Ẽ eweikai. Ẽ bia ewexuyabaitu ewẽ wake rawe mi retetiru”, apa wadi.
Matu extu iyutakawe na dukuwene uĩnu.
Nu bia yuiyabea: ‘Apã a wake nichitiruba. Awẽ wake nichiax datiru’, nu bia wayabea.
