8 Peda wetsa wenamarikui buita shinachakadi dabawaxakĩ. Naskata na unakĩ tapiawu Egipto bai adu ikawu atu kedabadi. Naatiiwi na Egipto aduawu aki wediwu. Ma weawudu awẽ daba atu yuidi. Awẽ daba atu yuiyaitu na unabiswawe yuitiruwuba idi.
Naskata: “Na nu dabawaa duku tsuã yuitiruba”, wadiwu. Josépa atu yuidi: “Dios wistichi batu yuitiru. Ea yuikawe”, atu wadi.
Wenamari Joséuxũ shinachakayaiwawe atu wichidi.
Naa tsasiawawe siete trigo wibi ichapaya wuspikuiya piawu. Naskaidu faraón buinakawa uĩya daaba idi.
Faraónpa dabawaa José ma uadu diaiwu faraónpa yuidi: “Na ẽ dabawaa tsuã ea yuiyaba. Ẽ dika wetsawawe dabake mi atu yuikĩ tapia”, faraónpa wadi.
Na warĩ tsasiwaawawe na wibi pukũwawaĩda piawu. Naskawiax na unabiswu ẽ atu ñukawiyaitu tsuã ea yuiyaba”, faraónpa José wadi.
