29 Jacobpa awẽ ade ñukadi: “Mewẽ aderi ea yuiwe”, Jacobpa wadi. Ángelpa Jacob kebadi: “Aweskakĩ ewẽ ade mi ñukakabeime”. Naskata ángelpa tsai shara yuidi.
Na dai arixu Diospa tsai webistu kebadi: “Ẽ Gabriel. Na Dios ikadu ẽ ditiru. Naatu ea nichia mewẽ wake udua ẽ bia tsai shara yuinu. Me bia yuiya.
Padán-aram aduax Jacob dasuadu Epa Dios aki dukudi. Naskata Epa Dios shina shara inadi.
Naskake ana mi Abram ikiba. Datiã mi Abraham iki. Yura bai wetsa ikawu ichapawawe mi atũ apa ipadaka.
Iskara tsaima Diospa Jacob yuidi: “Datiã mewẽ ade Jacob. Ana mewẽ ade Jacob ikiba. Mewẽ ade Israel iki”, Epa Diospa Jacob wadi. Naskata Diospa awẽ ade wetsa axudi.
