5 Na ẽ Abraham yuiyai keskakuipaudi ewẽ tsai bitsisipa ikũira wapaudi”, Epa Diospa wadi.
Miamai dikakuike na baitiixu ikawu awarawu shara wĩpadakawu mewẽ wakewuxu mewẽ kaiwuu uduax ichapanawã kaipakedakawuxuri”, wadi.
“Mia dikakuike mewẽ wake wisti mia wishkuaba ẽ yuikui”, Epa Dios idi.
Ẽ Abraham kañawadi awẽ wakewu awẽ kaiwuunuax ichapanawã kaĩpakedakawawe ea ikũira wakata kayakawikui shinapakedakawu. Ẽ Abraham yuidi keskaiwawe ẽ atu axutiru”, naskaxu Epa Diospa anupukui na yuiyai.
Epa Diospa yuiyadu Abram Lotwe Harán aduax wudiwu. Abram setenta y cinco wari ma ika idi bai Canaán adu kaidu.
Naa pedata Abraham awẽ wushki wichi xatedi. Naskata awẽ wake Ismaelnari adi awẽ uibatiwunari na peiuxũ wibiswuri nawawe atũ wichi wushki xatediwu. Na Epa Dios yuiya keskadiwu.
Naskake Isaac Guerar adu netedi.
