16 “Mia dikakuike mewẽ wake wisti mia wishkuaba ẽ yuikui”, Epa Dios idi.
Abraham awẽ rewuduwuya atu kexewaixakĩ Diospa nuku xidi Abraham yuikĩ waturatu uĩyaidu yuidi axuwaĩxakĩ: ‘Ẽ bia paraiba. Ẽ mewẽ rewuduwu axunupukui’, wadi. Na tsai yuidi awena.
Mewẽ kaiwuu uduax ichapanawã kaĩpakedakawuweta. Ẽ aaxiwi mewẽ kaiwu ichapanawã inupukukadi. Ẽ bia sharawaaxiwi miuxũ wetsawu atu sharawata. Naatiiwixu bia tapixikadi mi tsuamaiki.
Naskata Epa Diospa Abraham yuidi: “Mewẽ were wisti iyutawe naa mi duikuibis wisti bai awẽ ade Moria. Naduxu retetawe kuwaxu ea inaxikĩ”, Diospa wadi.
Ángelpa yuidi: “Mewẽ wake wisti reteyabawe. Ẽ uĩya mia ikũira waa. Ea mia wishkuaba mewẽ wake wisti ea inaxikĩ”, wadi.
Dai arixu Epa Diospa awiana Abraham kedadi. Naskaxu yuidi:
Ẽ bia awara shara inanupukui. Da bai ẽ bia inata mewẽ kaiwuu uduax ichapanawã kaĩpakedakawuri. Na mewẽ epa Abraham ẽ axudi keskawaaxiwi.
Na ẽ Abraham yuiyai keskakuipaudi ewẽ tsai bitsisipa ikũira wapaudi”, Epa Diospa wadi.
