15 Ma pedayaidu ángel raweta Lot yuidiwu: “Duduxu mewẽ wake raweya mewẽ awĩya atu iyutawe dakaspakĩ nu atu adaitiyaidu”, ángelpa wadi.
Naskake kushikui wutakawe. Na pexe ichapaba ma dukuabadu ẽ aweskawatiruba”, ángelpa wadi. Naskake na pexe ichapaba awẽ ade Sóar idi.
Pexe ichapa Sodoma aduxu ma atu tsekakata ángel wistichi atu yuidi: “Kushi wutakawe dayabaxikakĩ. Kachiuri ma uĩki naskatari mispa adu ma neteki. Ma dipaimaiki bachi ari wutakawe”, ángelpa Lot wadi.
Naskata Lotpa awẽ rais ipaixiwai rawe atu yui kai kadi: “Duduax nu kanu. Widiniwuwakawe. Epa Diospa dudua yurawu atu adaiti”, Lotpa yuiyaitu awẽ rais ipaixiwai raweta ikũira wadiwuba.
Naskata Lot sabarakayaitu ángel raweta awẽ biwĩ tsubakata xawakawi tsekadiwu Diaiwu Diospamai ubisbaitu.
