12 Datiã werunawakewu kaĩyawudu ma kaĩtadu ma ocho peda ikadu atũ wushki wichi xatepakedaka. Na atu peiuxũ wibis atũ wakewuri mi xatetiru.
Jesús kaĩta ocho peda ma ikadu apaweta awã awẽ wichi wetsa xatebadiwu. Naskata adediwu Jesús. Naa ade dai arixu Diospa tsai webistu adedi idi Maríane wake dadeyuabadu.
Ma ocho peda ikadu Zacaríaspa awẽ pexe adu wudiwu. Awẽ wake awẽ wichi xatei wukadi wudiwu. Apã adekiri adepaiyaiwudu awã yuidi: “Adurikai awẽ ade ikiba. Awẽ ade Juan iki”, wadi.
Ma ocho peda ikadu awẽ wake awẽ wushki wichi xatedi na Diospa yuidi keskawadi.
Naa pedata Abraham awẽ wushki wichi xatedi. Naskata awẽ wake Ismaelnari adi awẽ uibatiwunari na peiuxũ wibiswuri nawawe atũ wichi wushki xatediwu. Na Epa Dios yuiya keskadiwu.
