2 Abram awa yupapaudiba. Yuina idawanabetiruwu peiwu ichapayari oro ichapayari ipaudi.
Epa Dios ewẽ diaiwu awarawu inadi ovejawu vacawu camellowu asnowuri. Nakatari oro inata platari uibati dukuwede uibati awĩwuri inadi.
Awĩuxũ faraónpa Abram sharawadi. Yuina idawanabetiruwu ovejawu vacawu uibatiwu asnowu camellowu nawu inadi.
Na ikawu adu ana wani itiruwuba idi Lotwe Abram. Naa ikawu adu ana wasi wuaidiba yuinawawe pipanawawe ana adu na rawe itiruwuba idi.
Abraham ma adiwushtadu Epa Diospa awara sharawu inadi.
Naskax Jacob awarawuya awẽ yudubiswuya awĩwuya dukuwedeya ichapayari camellowuri asnowuri nawuya Jacobna idi.
Awẽ ovejawu ichapaya idi. Awẽ vacawu ichapaya idi. Naskatari awẽ yudubiswu ichapa idi. Naskaitu filisteowawe awarawu ichapayake wiãpaipaudiwu.
